पातोळ्या

पातोळ्या हे महाराष्ट्र राज्याच्या कोकण प्रांतातील आणि गोवा राज्यातील पक्वान्न आहे. पातोळ्या या हळदीच्या पानावर ठेवून वाफविल्या जातात. कोकणात गणेशोत्सव काळात केले जाणारे हे पक्वान्न आहे.

पातोळ्या(कोकणातील एक पक्वान्न)

साहित्य आणि कृती

हळदीची पाने

तांदूळ पीठ

खोवलेला नारळ

गूळ

मीठ

तेल

तूप

वेलची पूड

कृती-

• पाणी उकळत ठेवून त्यात मीठ व तेल घालावे.
• पाण्याला उकळी आल्यावे त्यात पाण्याच्या सम प्रमाणात तांदूळ पिठी घालावी आणि झाकण ठेवावे.
• वाफ आल्यावर धग बंद करावी.
• उकड कोमट असताना मळून घ्यावी.
• नारळाचा चव आणि गूळ, वेलची पूड कढईत घ्यावे आणि मऊसर होईपर्यंत शिजवून घ्यावे.
• हे मिश्रण फार घट्ट करू नये, सैलसर ठेवावे.
• हळदीच्या पानाला तेल अथवा तूप लावून त्यावर उकडीचा गोळा थापून पसरवून घ्यावा.
• त्यावर तयार सारण पसरवून घ्यावे आणि हळदीचे पान एका टोकाकडून दुसऱ्या टोकाकडे दुमडून घ्यावे.
• नंतर ही पाने वाफवून घ्यावीत आणि गरम पातोळे तुपासह खायला द्यावे.